September 10, 2011

പ്രണയദിനങ്ങള്‍

 ചടുലമാമൊരു നൃത്തച്ചുവടിലും
തരളമാമൊരു മന്ദഹാസത്തിലും
ദൃശൃമാമൊരു  നുണക്കുഴിമൊട്ടിലും
ഹൃദയമോര്‍ത്തുപോയി പ്രണയദിനങ്ങളെ.


നന്മനേരുന്നു കൂട്ടുകാരിയെന്ന്
മൗനമായ്ചൊല്ലി നടകൊള്ളുവാനല്ല
വിനയപൂര്‍വ്വം ചിരിച്ചു ചോദിച്ചതും
കൈ പിടിക്കുവാന്‍ കൂടെച്ചരിക്കുവാന്‍.


പൂര്‍ണ്ണമായി കൊത്തി,തട്ടിതെറിപ്പിച്ച്
വിലങ്ങുകള്‍ വെറും തൃണമായ് കരുതുവാന്‍
കാലം ഉള്‍ച്ചേര്‍ത്ത തോന്ന്യവാസങ്ങളില്‍
വേരുറച്ചുപോയ് ,മുമ്പോട്ടു നീങ്ങട്ടെ.


ചില്ലുപാത്രം ഉടയുന്നപോലെയീ
ചൊല്ലു  മൊത്തമുടഞ്ഞുപോയില്ലെങ്കില്‍
കാത്തുവെക്കണം ജ്നമാന്തരങ്ങളില്‍
പ്രേമപൂര്‍വ്വമീ കാല്ചിലമ്പൊച്ചകള്‍.


നാവിനാലൊരു വാക്കുചൊല്ലട്ടെ ഞാന്‍
ചോരയിറ്റുന്ന ചെങ്കൊടിയല്ലിത്
ചാലുകീറിയൊഴുകിയ പ്രണയത്തിന്‍
പുതിയ കൈവഴി ,നൂറു നൂറായ്
ചിറപൊട്ടിയൊഴുകട്ടെ.

September 8, 2011

ഓണക്കാലം

                                                      കേരളത്തില്‍ എല്ലായിടത്തും ഓണം വന്നപ്പോലെ ഞങ്ങള്‍ക്കും ഓണം വന്നു.
അനവധി ദിവസങ്ങള്‍ക്കൂടിയിന്നാണ്  അല്പം നല്ലവെളിച്ചം കാണുന്നത്, നന്നായി ഇനിയെങ്കില്ലും നന്നായി ഓണത്തിനൊരുങ്ങാമല്ലോ,അല്ലെങ്കില്‍ അവസാന മിനുക്കു പണിയെങ്കില്ലും .
തോരാത്ത മഴയില്‍ റോഡെല്ലാം തകര്‍ന്നല്ലൊ...എല്ലായിടത്തും ഇതു തന്നെ .
പച്ചകറിക്കെല്ലാം തീവില.എന്നാല്ലും മറ്റുള്ള സ്ഥലത്തെ അത്രയാവില്ല,കാരണം തമിഴ് നാട് ഇത്ര അടുത്തല്ലെ.

 ഡാമില്ലൊക്കെ നല്ല വെള്ളം .ഈ വര്‍ഷം കറന്റിനു ഷാമമുണ്ടാവില്ലായിരിക്കാം.
ഏതായാല്ലും നമ്മുക്ക് ഓണമാഘോഷിക്കാം.
മലച്ചെരുവുകളിലെല്ലാം നീര്‍ച്ചോലകളാണ് ,നല്ല മഴ മലനാടിനു നല്‍കിയ സമ്മാനം .
പല വര്‍ഷങ്ങളിലെയ്യും പോലെ ഇത്തവണ വലിയ ദുരന്തങ്ങളൊന്നും ഉണ്ടായില്ല ,ഭാഗ്യം.
ഏതായാലും മലനാട്ടിലെ ഓണം ഇത്തവണ പൊടിപൊടിക്കും .

                         മലയാളികള്‍ക്കെല്ലാം എന്റെയ്യും മലനാടിന്റെയ്യും ഓണാശംസകള്‍...