ഒരു വര്‍ഷം പൂര്‍ത്തിയാക്കുമ്പോള്‍

                    
                                          
             ഒന്നുമില്ലാതെ വന്ന് ഒത്തിരി സ്നേഹവും ഒരുപാട് പരിഭവങ്ങളും ഇണക്കങ്ങളും പിണക്കങ്ങളും നേടിയെടുത്ത് ഞാനുമീ ബ്ലോഗ് ലോകത്ത് ഒരു വർഷം പൂർത്തിയാക്കുന്നു.വായനക്കും എഴുത്തിനുമപ്പുറം എന്തോയൊന്ന് ബാക്കിയാവുന്നു.തുടക്കമുതൽ എന്നെ കൈപിടിച്ച് നടത്തുവാനും തെറ്റുകൾ തിരുത്തുവാനും ആദ്യകാലത്ത് വന്ന് ഇവനൊരു നിസാരനെന്ന് മനസ്സിലായപ്പം പടിയിറങ്ങിപ്പോയ ഞാനിപ്പൊഴും മനസ്സില്‍ സൂക്ഷിക്കുന്ന ഒരു പിടി നല്ല സുഹ്രുത്തുക്കളും സുഹ്രിത്തികളും.പണ്ടെന്നോ മറന്നു വച്ച വാക്കുകള്‍ ,ജോലിയിലെ മടുപ്പുകള്‍ക്കിടയില്‍ കുത്തികുറിക്കുകയായിരുന്നു.അറിയാവുന്ന ഭാഷയിൽ അറിവില്ലാത്തവന്റെ ജല്പനങ്ങള്‍.
ഈ അവസരത്തിൽ കംപ്യൂട്ടർ ലോകത്ത് എന്നെ കൈപിടിച്ച് നടത്തിയ എന്റെ പ്രിയപ്പെട്ട അനുജന്‍ അനൂപിനും

തെറ്റുകൾ തിരുത്താൻ കൂടെ നിന്ന പ്രിയ ഭാര്യ നിഷക്കും

അച്ഛന്റെ കംപ്യൂട്ടർ ലോകം മനസ്സിലാവാതെ അല്പം ഒഴിവു സമയത്തുപ്പോലും തന്റെ കൂടെ കളിക്കാൻ വരാത്തതിൽ പ്രതിഷേധിച്ച് സ്ഥിരം പിണങ്ങി കംപ്യൂട്ടറി കീബോർഡിൽ പെട്ടന്നമർത്തി രക്ഷപെടുന്ന ഞങ്ങളുടെ മകൾ നിരഞനക്കും

  വാക്കുകളും വരികളുംകൊണ്ട് പ്രോത്സാഹിപ്പിക്കുകയും വായിച്ച് അഭിപ്രായങ്ങൾക്കുറിക്കാതെ കടന്നുപോയ സുഹ്രുത്തുക്കളും പിണങ്ങിയോ സമയക്കുറവുകൊണ്ടോ വന്നലപ്പകാലത്തിനു ശേഷം കാണാതായ സുഹ്രുത്തുക്കൾക്കും നന്ദി പറയട്ടെ .ഒരുപാടു പേരുടെ പേര് പറയണമെന്നുണ്ടെങ്കിലും പറയുന്നില്ല കാരണം മറ്റുള്ളവർ വേദനിക്കരുതെന്നാഗ്രഹിക്കുന്നതു തന്നെ.ഇനിയും വളരെകാലം നിങ്ങളുടെകൂടെ കാണണമെന്നാഗ്രഹത്തോടെ .....