ഭ്രാന്ത്

ആദ്യമാദ്യം
ഉറക്കം നഷ്ടപെടുമ്പോളായിരുന്നു
എനിക്ക് ഭ്രാന്ത്.
അമ്മ അമ്മിഞ്ഞാതരാതെ 
തുണിയലക്കിനുപോയപ്പോഴും
അരിവാർത്ത് അച്ഛനെ വിളിച്ചപ്പോഴും ഇതാവർത്തിച്ചു.
 
ടീച്ചർ ഹോംവർക്ക് ചെയ്യാൻ തരുമ്പോൾ
എനിക്കു ഭ്രാന്തായിരുന്നു.
ടീച്ചർ ഉത്തരങ്ങൾ ചോദിക്കുമ്പോഴും
പരീക്ഷാ‍പേപ്പർ കാണിക്കുമ്പോഴും ഇതാവർത്തിച്ചു.
അടുത്ത ബഞ്ചിലെ രാധിക ഇഗ്ലീഷിനു ജയിച്ചെന്നറിഞ്ഞപ്പോൾ
എനിക്കു ഭ്രാന്താവുമെന്നു തോന്നി
ഞാൻ തോറ്റെന്നറിഞ്ഞപൊഴും അങ്ങനെ തന്നെ.

അമ്മയുമച്ഛനും കല്യാണം കഴിക്കാൻ പറഞ്ഞപ്പഴും അങ്ങനെ തന്നെ.
ഭാര്യയെ കണ്ടപ്പോൾ മറ്റൊരു ഭ്രാന്ത്
ഭാര്യ യെ പ്രസവിത്തിനു കയറ്റിയപ്പോൾ
ഭ്രാന്തൽ‌പ്പം കുറഞ്ഞു.
കുട്ടികൾ രണ്ടായപ്പോൾ ഏകദേശം നന്നായ് മാറി.
ഭാര്യകുട്ടികളെയും കൂട്ടി അവളുടെ വീട്ടിലേക്ക്
പോയപ്പോൾ ഭ്രാന്തു നന്നായ് മാറി.
ഇപ്പോൾ ഭ്രാന്തെന്നു കേട്ടാലെ ഭ്രാന്താകും.