ചുരുളഴിയാ നിഗൂഡതകള്‍ക്കപ്പുറം
മിഴി നട്ടിരിക്കും മനസ്സിന്റെ തത്ത്വമേ
സ്വരുക്കൂട്ടി വയ്ക്കും മഹാധനമ്മൊക്കെയ്യും
മൊഴിയറിയാതെ നിന്നിലര്‍പ്പിക്കുന്നു ഞാന്‍ .
കണ്ണും കാതും കൂര്‍പ്പിച്ചിരിക്കുന്നു
നിന്റെയോരോ സ്പന്ദനവുമെണ്ണുവാന്‍ ,
തിരിച്ചറിയാ പ്രായം കടക്കുവാന്‍ ,
ഉള്‍കണ്ണിനാല്‍ നിന്റെ മഹത്ത്വം തിരയുവാന്‍ .
ചിറകരഞ്ഞിട്ട പ്രാവിനെ പോലെയെന്‍
ഹൃദയമെല്ലാം വിറകൊണ്ടിടുമ്പൊഴും
ചുരുളഴിയാ രഹസ്യം തിരയുമീ
മനസ്സിനുള്ളിലെ ചിറകടിയൊച്ചകള്‍ .
ഇരുളുമല്ല വെളിച്ചവുമല്ല നീ ,ഇവ രണ്ടുമായേക്കാം പക്ഷെ.
ഇരുളുതീര്‍ക്കുന്ന തത്ത്വശാസ്ത്രങ്ങളില്‍
പതിരു മാത്രമുയര്‍ന്നു കിടക്കവെ
കതിരു മാത്രം കൊയ്യാന്‍ പറയുന്ന
വികലമാകുന്ന ന്യായവാദങ്ങളെ ,മറികടന്നു കുതിക്കണം
നമ്മില്‍ ചിതറി വീഴും ചിന്ത മരിക്കാതിരിക്കുവാന്‍ .