പ്രണയം

പ്രണയം വിദൂരമാം വിജനമാം വീഥിയിൽ
വഴിതെറ്റി നിൽക്കും പഥികനെപ്പോലെയോ?
ഇരുളാണു ചുറ്റും കുളിരാണു ചുറ്റും
മൊഴിമാറ്റമില്ലാതൊഴുകുന്നനാദിയായ്.

ഏഴുകടല്ലും കടന്നു ചെന്നിട്ടൊരു
കാലചക്രത്തിൻ തിരശ്ശീലകാണണം
ഒന്നിനു പിമ്പിൽ ഒന്നായ് ഒന്നായ്
കാലമുൾച്ചേർക്കും പ്രണയത്തിൻ ശീലുകൾ.

ജീവിയുണ്ടായൊരു കാലഘട്ടം മുതൽ
ജീവിതമെന്നു നാം  മൊഴിമാറ്റിടും വരെ
വരി വരി നിൽക്കുന്നീ പ്രണയത്തിൻ ശീലുകൾ.

ആദവും ക്രിഷ്ണനും മുംതാസ്സും രമണനും
വഴിതെറ്റി പൊട്ടക്കിണറ്റിൽ കിടക്കും മൊബൈൽ പ്രണയവും.
കൂലം കുത്തിയെത്തും നദി പ്രവാഹങ്ങൾക്ക്
തടയായ് നിൽക്കും പ്രണയവും കാണണം.
കാലം കാലമായ് ഒഴുകിക്കടക്കുകിൽ
ചോരഛർദ്ദിക്കാം,പക്ഷെ പ്രണയം മരിക്കില്ല.

വീണ്ടും തലക്കടി..

        വീണ്ടും രാജ്യത്ത് പെട്രോൾ വില വർദ്ധിപ്പിച്ചു 1.82 പൈസ.കഴിഞ്ഞ തവണത്തെപോലെ ഉമ്മൻ ചാണ്ടി സർക്കാർ  37 പൈസകുറച്ചു.കേന്ദ്രത്തിലെ കോൺഗ്രസ്സിനില്ലാത്ത ജനാധിപത്യബോധം  കേരളത്തിലെ കോണഗ്രസ്സിനാണുള്ളത്. ഇതിന്റെ ആവശ്യമുണ്ടോ, സംസ്ഥാന ഗവണമെന്റിനുകിട്ടുന്ന ചില്ലറ മാത്രം വേണ്ടെന്നു വെക്കുന്നതിൽ എന്താണർത്ഥം ?.രൂപയുടെ മൂല്യം കുറഞ്ഞാല്ലും ബാരലിനു ചോർച്ചവന്നാല്ലും വർദ്ധനതന്നെ, ജനാധിപത്യ ഭരണകൂടത്തിന് യാതൊരു ബാധ്യതയുമില്ല.എന്തിനാണിങ്ങനെ ഒരു ഗവണ്മന്റ് കുഭകോണം നടത്താൻ മാത്രമായി .കൂടെ പതിവുപ്പോലെ ഹർത്താല്ലും ഭരണപക്ഷത്തിന്റെ ഒരടി പ്രതിപക്ഷത്തിന്റെ രണ്ടടി എന്നതാണവസ്ഥ.എല്ലാം ജനങ്ങളുടെ മണ്ടക്ക് തന്നെ ,ഭരണപക്ഷത്തിനും പ്രതിപക്ഷത്തിനും സമാധാനം.അവരവരുടെ ചുമതലകൾ നിറവേറ്റി, ഇനിമിണ്ടാതിരിക്കാം. എല്ലാം പതിവുപോലെ തുടരുന്നു.ഇതുവരെ നടത്തിയ ഹർത്താലുകൾകൊണ്ട് എത്ര രൂപ കുറഞ്ഞു. അഞ്ചു പൈസ ഇല്ലേ ഇല്ല.പക്ഷെ കേരളത്തിൽ മാത്രം ഇതിങ്ങനെ തുടരുന്നു.കേരളത്തിൽ മാത്രമാണ്  വിലവർദ്ധിച്ചത്  എന്നു തോന്നുന്നു.പൊതുജനം കഴുത ,അത്രമാത്രം.

പുനർ വായന

2 KAVITHAKKAL

1.രാധ


ഒരു രാധയുണ്ടായിരുന്നെൻ  മുത്തശ്ശികഥകളിൽ
കൃഷ്ണന്നൊടൊത്തു കരം പിടിച്ചീനാടിൻ
ഹൃദയത്തുടിപ്പുകൾ കരളിൽചുമന്നവൾ.
മഥുരാസുഖം തേടികൃഷ്ണനകലവെ
കണ്ണീർ കയങ്ങളിൽ നീന്തി തുടിച്ചവൾ.
പഞ്ചഭൂതങ്ങളിൽ  കൃഷ്നണനെന്നുള്ളൊരു രൂപവും ഭാവവും
മാത്രം തിരഞ്ഞവൾ  .
ഓമന കുഞ്ഞിനെ ലാളിച്ചു നിൽക്കുന്ന മഞ്ഞിൻ
മുഖമുള്ളൊരമ്മയെപ്പോലവൾ.


2.ദ്രൗപതി


കൂടെഞാൻ കാണുന്നു അഞ്ചുത്താഴാൽ പൂട്ടി
കൂട്ടിലടച്ചകുരുവിപോൽ ദ്രൗപതി .
അന്ത്യത്തിലാരും തുണക്കുനിൽക്കാതന്ന്
ഈ മണ്ണിൽ ദാഹിച്ചലഞ്ഞുമരിച്ചവൾ.
നാലഞ്ചുപേരവർ കൽപ്രതിമയാകവെ
കൃഷ്ണനെ തേടിയാവായിട്ടലച്ചവൾ .
കണ്ണിലാളുന്നഗ്നി കണ്ണുനീരാക്കിയ
കുന്തിതൻ കൊച്ചുമക്കൾക്കന്ന് അമ്മയായി തീർന്നവൾ .
സ്വന്തം മകന്റച്ഛൻ അവനൊയിവനൊയെന്നൊറ്റനോട്ടത്തിൽ
പറയാനറച്ചവൾ .
ജീവിതം പോലും പതികൾക്കു നൽകി
പണയപതക്കമായ് മാറേണ്ടിവന്നവൾ .
ഇവളാണു ഭാരതസ്ത്രീകൾതൻ ഹ്രുദയത്തിൽ
രത്നങ്ങളാൽ പതിച്ചുവയ്ക്കേണ്ടവൾ .
ഇവിടുണ്ടു ഭാരത സ്ത്രീക്കു സ്വാതന്ത്രമെന്നുച്ചത്തിഘോഷിക്കും
നിങ്ങളോടിന്നെന്റെ  മനസ്സുച്ചോദിക്കുന്നു
ആരാണു  ദ്രൗപതി?