ചിന്ത
ഒരു ചിന്തവനെന്നെ വലിച്ചിഴക്കുന്നു
കുളിമുറിയിലേക്ക് ,
കിടപ്പറയിലേക്ക്,
ഭോഗത്തിലേക്ക്.
തെരുവിലേക്ക്,
ബസ്സ്റ്റോപ്പിലേക്ക്,
ഒടുങ്ങാത്ത പകയുടെ
ആഫീസിലേക്ക്.
വായിലേക്ക്,
കുടവയറിലേക്ക്,
ഒരിത്തിരി ആശ്വാസമായി
വിസർജ്യത്തിലേക്ക്.
പേഴ്സിലേക്ക്,
പണത്തിലേക്ക്,
കരുതിവെപ്പിന്റെ
ദു:ശാഠ്യത്തിലേക്ക്.
ഒരു പേനയിലേക്ക്,
ലീവ് പേപ്പറിലേക്ക്,
അന്വേഷണത്തിന്റെ
യാത്രയിലേക്ക്.
ആദിയിലേക്ക്,
അന്ത്യത്തിലേക്ക്,
ചിന്തകൾ മറഞ്ഞ
മനസ്സുകളിലേക്ക്.
വീണ്ടും
ഭോഗത്തിലേക്ക്,
കുളിമുറിയിലേക്ക്,
ആഫീസിലേക്ക്,
ചിന്ത മരിച്ച മണിയറയിലേക്ക്.
അത് എന്തേ? ചിന്തകള്‍ മരിച്ചത് മണിയറകളില്‍ മാത്രം. അവിടെയും ചിന്തകള്‍ തന്നെയല്ലെ. മനുഷന് എവിടെ സ്വസ്ഥത
ReplyDeleteകൊള്ളാം ഈ ചിന്തകള്‍. ആദ്യമായാണ്‌ ഇവിടെ. മറ്റുകവിതകളും വായിക്കട്ടെ. ആശംസകളോടെ...
ReplyDeleteഎനിക്കൊന്നും മനസ്സിലായില്ല...!
ReplyDelete@ അനൂപ്-മണിയറയില്‍ ചിന്ത മരിക്കും എന്നതും ഒരു സങ്കല്‍പ്പമാണ്.
ReplyDelete@ ഭാനു-താങ്ങള്‍ എന്റെ കവിതയെ എല്ലാവര്‍ക്കും പരിചയപ്പെടുത്തിയതില്‍ വളരെ സന്തോഷം.
@ അന്ന്യന്‍ -എനിക്കും
ഈ കവിത ഇഷ്ടപ്പെട്ടു ..
ReplyDeleteജീവിതത്തിന്റെ നിരന്തരം
ആയ യാത്രയില്‍ ഒരു യന്ത്രത്തിന്റെ
പ്രവര്‍ത്തനം പോലെ തുടര്ന്നു
കൊണ്ടേയിരിക്കുന്ന ചിന്തകള്‍
ഒപ്പം കടന്നു പോകുന്ന വിരസമായ
ദിവസങ്ങള്‍ ..
ente lokam @ thanks
ReplyDeleteചിന്തക്ക് വെറുതെ കീഴ്പെടേണ്ടവരല്ലല്ലോ നമ്മള്‍..
ReplyDelete